夏天將近，有計劃到日本旅遊嘅朋友可能對瘋狂地購物丶大吃大喝都感到膩啦！如果千篇一律嘅旅程已經滿足唔到你，今年夏天可以考慮到日本北海道，其中景點一定會吸引到你嘅目光！究竟有咩好玩？就等小編為大家介紹一下啦！
1）登別尼克斯海洋公園
尼克斯海洋公園擁有超過1萬隻海洋生物，巨型海洋生態館中設有海洋隧道，可以體驗海中漫步嘅奇妙感覺。而尼克斯海洋公園中，最吸睛部份一定係企鵝遊行活動，一隻隻國王企鵝於廣場中搖擺著散步，可以與企鵝近距離接觸，絕對係珍貴又難忘嘅旅行回憶。
2）富良野富田農場
夏天到北海道絕不能錯過欣賞薰衣草，薰衣草每年只有大約2個月花期，一望無際嘅薰衣草田令人大開眼界，必定會陶醉於迷幻花海中，而且花期期間更有售薰衣草味及哈密瓜味雪糕，可以透心涼地欣賞花海！
3）美瑛町 拼布之路
位於旭川與富良野之間嘅美麗小鎮美瑛，擁有起伏嘅丘陵，地上遍布連綿花海，因為栽種著不同植物，地上因而出現七彩拼布一般嘅絕美景象，令人回到純淨自然懷抱中。
4）十勝熱氣球
十勝地區人氣戶外活動熱氣球體驗，隨著熱氣球緩緩升起，高空俯瞰北海道美景，感受著微風，欣賞十勝連峰。即使有懼高嘅朋友都唔使擔心，十勝熱氣球有提供繫留飛行，會用四條繩子固定熱氣球唔會亂飛，大人細路都適合體驗一下。
5）小樽運河
小樽運河於20世紀時期係北海道最重要商港，運河沿岸倉庫丶舊商號都能反映出當年風光。小樽街景丶河邊兩側散步小徑，彷彿進入舊時繁華嘅情調當中。
北海道有著自然好風光丶充滿情懷嘅市景及特別遊樂設施，絕對係日本旅遊時不可錯過嘅好地方。
