日本有好多著名嘅寵物咖啡店，其中以最初帶起減壓做賣點嘅貓咪咖啡店最受大家歡迎，心情唔好嘅時候見著貓咪排排坐，或者跟著貓咪一起懶洋洋發呆，只需一個下午心靈就被治癒啦！位處東京至福岡一帶，以下五家貓咪咖啡店你去過未呢？
1）Neco Republic（ネコリパブリック）
地址:東京都文京区湯島3-1-9 CRANEビル4階
係一間自行保護流浪貓嘅貓咖啡店，咖啡店同周邊商品嘅收入部分會用作支持哩個活動。店內貓咪們都被照顧得好健康，店中更設認養代替購買，幫流浪貓貓們搵爸媽，無法領養貓咪嘅朋友都可以近距離同佢哋接觸，度過快樂時光。
2）Die Katze（ディー・カッツェ）
地址:東京都新宿区新宿1-19-8 サンモール第７ビル２F
哩度係一家紅茶專賣店，鎮店貓咪有店長Konig（國王）丶Queen（皇后）丶Ｏ醬（女王）丶代理店長Kaiser（皇帝），有著英國皇室般嘅氣場，貓家族照片亦非常優雅高貴。有佢哋陪伴身邊度過下午茶時間，會令你忘記城市嘅喧囂。
3）猫カフェ きゃりこ
地址:武蔵野市吉祥寺本町1-8-2 ＦＣ吉祥寺ビル2F
吉祥寺分店係適合男或女獨自前來嘅貓咖啡店，無團體客人吵雜，備有好多漫畫可以陪你度過一個下午，貓咪們都不怕陌生，可以撫摸丶擁抱佢哋，亦可以喺店內買包貓食糧，藉機再拉近距離呢！
4）Cat Apartment Coffee
地址:京都市上京区一条通り大宮東入る下石橋南半町54-1
100年古民家咖啡屋裡面一共有13隻貓咪，有一隻識開抽屜嘅貓咪ウニ，仲有一隻鍾意躲入抽屜裡，店裡貓咪連長相都好有京都風格。而重點係貓咪們嘅食飯時間，一到下午三點，貓咪們圍成一圈排排坐，然後一齊開動，如此可愛嘅畫面你絕對不能錯過！
5）猫と人の癒しの家 貓カフェ 美猫
地址:福岡県福岡市中央区港3-3-20
約50年嘅古民屋咖啡館，顧名思義有著可愛又美麗嘅貓咪們等緊你。蘇格蘭摺耳貓丶挪威森林貓等，優雅又漂亮，同佢哋一齊可以令你拋開一切煩憂，離開時仲可以選擇一張美貓特製小卡做紀念，將快樂回憶帶走。
每一間店嘅貓咪都好適合擔仼心靈治療師，想過一個治癒嘅下午就快啲同可愛嘅貓咪邂逅一下啦！
